टी–२० शृंखला गुमाइसकेको न्यूजिल्याण्डले चौथो खेलमा भारतलाई ५० रनले हराएको छ । पाँच खेलको शृंखला भारतले यसअघि नै जितिसकेको भए पनि हाल भारत ३–१ ले अगाडि छ । विशाखापट्टनममा भएको खेलमा टस जितेर पहिले ब्याटिङ गरेको न्यूजिल्याण्डले ७ विकेट गुमाउँदै २१५ रन बनाएको थियो ।
न्यूजिल्याण्डका लागि टिम सिफर्टले ३६ बलमा ७ चौका र ३ छक्कासहित ६२ रनको उत्कृष्ट पारी खेले । त्यस्तै, डेभोन कन्वेले २३ बलमा ४ चौका र ३ छक्का सहित ४४ रन बनाए । सिफर्ट र कन्वेले ८.२ ओभरमै १ सय रनको साझेदारी गर्दै टोलीलाई बलियो सुरुवात दिलाएका थिए ।
भारतका लागि अर्शदीप सिंह र कुलदीप यादवले समान २–२ विकेट लिए । २ सय १६ रनको लक्ष्य पछ्याएको भारत १८ ओभर ४ बलमा १ सय ६५ रनमै अलआउट भयो । भारतका लागि शिवम दुबेले २३ बलमा ३ चौका र ७ छक्कासहित ६५ रनको शानदार पारी खेले । शृंखलाको पाँचौँ तथा अन्तिम खेल पर्सि शनिबार हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
विचार/ब्लग
लोकदर्पण टि.भी
शक्तिशाली लटिनाथ मन्दिर जयपुरमा बृहत नवमी जात्रा, धार्मिक महिमा र जात्रा विशेष (भिडियो)
२०८२ कार्तिक १३, बिहीबार १८:२५ गते
